انڈر 19کرکٹ ورلڈ کپ 19جنوری سے شروع‘پاکستان گروپ ڈی میں شامل 

لاہور(سپورٹس رپورٹر)انٹرنیشنل کرکٹ کونسل انڈر 19کرکٹ ورلڈ کپ کا شیڈول جاری کر دیا گیا،ورلڈ کپ سری لنکا میں شیڈولڈ تھا لیکن رکنیت معطل ہونے پر جنوبی افریقہ منتقل کیا گیا ہے۔رکٹ ورلڈ کپ 19جنوری سے شروع ہو گا،  فائنل 11فروری کو کھیلا جائیگا‘ 41میچز5وینیوز پر ہونگے جبکہ وارم اپ میچز 13سے 17جنوری تک کھیلے جائیں گے۔گروپ اے میں بھارت، بنگلہ دیش آئر لینڈ اور امریکہ ،گروپ بی میں انگلینڈ، جنوبی افریقہ، ویسٹ انڈیز اور سکاٹ لینڈ ،گروپ سی میں آسٹریلیا، سری لنکا، زمبابوے، نمیبیا جبکہ گروپ ڈی میں افغانستان ، پاکستان، نیوزی لینڈ اور نیپال شامل ہیں۔پاکستان انڈر 19 ٹیم 20جنوری کو افغانستان‘ 24جنوری کو نیپال اور 27جنوری کو نیوزی لینڈ کیخلاف میدان میں اتریگی۔