ریاض (این این آئی) ریاض میں امریکی سفارت خانے کی جانب سے انٹر ایمبیسی کرکٹ ٹورنامنٹ کا انعقاد کیا گیا جس میں امریکہ، پاکستان، برطانیہ، آسٹریلیا اور نیوزی لینڈ کی مشترکہ ٹیموں نے حصہ لیا۔ بالترتیب آسٹریلیا، نیوزی لینڈ اور برطانیہ کو شکست سے دوچار کرنے کے بعد پاکستان اور امریکہ نے فائنل کے لیے کوالیفائی کیا۔ فیصلہ کن معرکے میں پاکستان نے امریکہ کو 12رنز سے شکست دے کر ٹورنامنٹ جیت لیا۔ سعودی عرب میں پاکستانی سفیر محمد نعیم خان نے بطور کپتان ٹرافی وصول کی جبکہ پاکستان ایمبیسی کے کمیونٹی ویلفیئر اتاشی معین الدین کو آل رانڈ کارکردگی پر مین آف دی ٹورنامنٹ دیا گیا۔ آسٹریلوی سفیر نیل ہاکنز، نیوزی لینڈ کے سفیر روڈ پیرس اور برطانوی سفارتخانے کے ڈپٹی ہیڈ آف مشن روڈی ڈرومنڈ نے بھی ٹورنامنٹ میں اپنے ممالک کی نمائندگی کی۔ امریکی سفیر جیمس اسمتھ نے کھلاڑیوں اور ٹیموں میں انعامات تقسیم کئے۔