کراچی سمیت سندھ بھر میں سی این جی اسٹیشنزکوآج سے چوبیس گھنٹے کیلئے بند کردیا گیا۔ جس کے باعث سڑکوں پرپبلک ٹرانسپورٹ بھی معمول سے کم ہے۔

سوئی سدرن کے مطابق سی این جی اسٹیشنز کو گیس لوڈ منیجمنٹ کے تحت بند کیا جارہا ہے۔ خلاف ورزی کرنے والے سی این جی اسٹیشنز کو مزید چوبیس گھنٹے کیلئے بند کیا جائے گا۔ واضح رہے کہ کراچی سمیت سندھ بھر میں سی این جی اسٹیشنزآج صبح آٹھ بجے سے کل صبح آٹھ بجے تک بند رہیں گے۔ سڑکوں پرپبلک ٹرانسپورٹ کی کمی کے باعث شہریوں کوبھی پریشانی کا سامنا کرنا پڑا، ادھرٹرانسپورٹرزبھی سی این جی کی بندش کی بدولت مالی مشکلات شکارہورہے ہیں، ٹرانسپورٹرزکا کہنا ہے کہ حکومت کی ناقص حکمت عملی کے باعث ملک کا ہرطبقہ بری طرح متاثرہوا ہے، حکمرانوں نے پانچ سال میں عوام کے لیے کچھ نہیں کیا۔