ساہیوال اورچیچہ وطنی میں ٹریفک حادثات میں تیرہ افراد جاں بحق, تئیس زخمی۔

ریسکیو ذرائع کے مطابق تبلیغی جماعت کے ارکان سے بھری بس ملتان سے رائے ونڈ جارہی تھی کہ ساہیوال میں ملتان روڈ پر چوکی بائی پاس کے قریب بس اور ٹرالر میں تصادم ہوگیا، جس کے نتیجے میںدس افراد موقع پر ہی جاں بحق جبکہ بیس زخمی ہوگئے،،، زخمیوں اور لاشوں کو ڈسٹرکٹ ہیڈ کوارٹر اسپتال ساہیوال منتقل کردیا گیا ہے جہاں پانچ کی حالت تشویشناک ہے،،،دوسرا حادثہ چیچہ وطنی میں پیش آیا جہاں بورے والا روڈ پر ایک کار اور جیپ آپس میں ٹکراگئیں۔ حادثے میں ایک ہی خاندان کے تین افراد جاں بحق اور تین زخمی ہوگئے۔