راجن پور(این این آئی) راجن پور میں نامعلوم افراد کی فائرنگ سے دو افراد جاں بحق ہوگئے۔ پولیس حکام کے مطابق نواحی علاقے فتح پور کے رہائشی طالب اور سبز علی موٹر سائیکل پر جا رہے تھے کہ کوٹلہ جندہ موڑ کے قریب گھات لگائے ہوئے نامعلوم افراد نے فائرنگ کر دی ،مقدمہ درج کر لیا گیا۔جس کے نتیجے میں دونوں موقع پر دم توڑ گئے۔ واقعہ کے بعد پولیس کی بھاری نفری موقع پر پہنچ گئی اور لاشیں تحویل میں لیکر مقدمہ درج کرلیا۔ پولیس کے مطابق واقعہ ذاتی دشمنی کا نتیجہ معلوم ہوتا ہے۔