کراچی: رینجرز سے رات گئے مقابلے میں ٹارگٹ کلر ہلاک

کراچی (نوائے وقت رپورٹ) کراچی میں ملیر الفلاح کے علاقے میں رینجرز سے مقابلے میں ٹارگٹ کلر ہلاک ہو گیا۔ ترجمان رینجرز کے مطابق دوران پٹرولنگ مشکوک افراد کو روکنے کی کوشش کی تو مشکوک افراد نے رینجرز موبائل پر فائرنگ کر دی، جوابی فائرنگ سے ایک ملزم ہلاک ہو گیا جو ٹارگٹ کلنگ کی وارداتوں میں ملوث تھا۔ تین ملزم فرار ہو گئے، ہلاک ملزم کا تعلق سیاسی جماعت کے عسکری ونگ سے تھا ۔ پولیس نے موچکو میں مقابلے کے دوران ایک ملزم کو زخمی حالت میں گرفتار کر لیا، ملزم کا تعلق لیاری گینگ وار کے عزیر بلوچ گروپ سے ہے۔
کراچی مقابلہ