ہمیں کھوکر بہت پچھتاؤ گے، نامور موسیقار روبن گھوش ڈھاکہ میں انتقال کر گئے

برصغیر کے معروف موسیقار روبن گھوش طویل علالت کے بعد ڈھاکہ میں انتقال کر گئے۔ ان کی عمر 76برس تھی۔ روبن گھوش پاکستانی فلمی اداکارہ شبنم کے شوہر تھے اور ان دونوں ستاروں کی جوڑی فلمی دنیا کی کامیاب جوڑیوں میں شامل تھی۔ روبن گھوش کا شمار برصغیر کے نامور موسیقاروں میں ہوتا تھا اور انہوں نے 1960ءکے وسط میں فلم چکوری کی موسیقاری سے انتہائی شہرت حاصل کی جبکہ ان کی دیگر شاہکار فلموں میں جہاں تم وہاں ہم اور پیسہ شامل ہیں ۔احمدرشدی کے کئی مشہور گانوں کی موسیقی بھی روبن گھوش نے ترتیب دی۔