اسلام آباد (سٹاف رپورٹر) امریکہ، ایران اور جنوبی افریقہ سمیت متعدد ملکوں کیلئے پاکستان نے نئے دفاعی اتاشی مقرر کر دیئے ہیں۔ سرکاری ذرائع کے مطابق سب سے اہم تقرری واشنگٹن کیلئے کی گئی ہے جہاں بریگیڈیئر کمال انور چوہدری یہ منصب سنبھالیں گے۔ اسی طرح بریگیڈیئر ثاقب چیمہ ایران اور بریگیڈیئر فرحان یوسف جنوبی افریقہ میں پاکستان کے نئے دفاعی اتاشی ہوں گے۔ دیگر ملکوں کیلئے مقرر ہونے والے اتاشیوں کے ناموں کی تفصیلات آنی باقی ہیں۔