امریکہ کے چار اہم سینیٹروں نے مقبوضہ کشمیر میں سیاسی رہنماوں کو مسلسل زیرحراست رکھنے اور انٹر نیٹ کی بندش پر تشویش ظاہر کی ہے۔
اس تشویش کا اظہار ڈیمو کریٹک اور ری پبلکن پارٹیوں سے تعلق رکھنے والے سینیٹروں نے امریکی وزیر خارجہ مائیک پومپیو کو لکھے گئے خط میں کیا۔
انہوں نے شہریت کے متنازع قانون پر بھی تشویش ظاہر کی جس کے خلاف پورے بھارت میں احتجاج جاری ہے۔
امریکی سینیٹروں نے مقبوضہ کشمیر میں مواصلاتی بندش کا جائزہ لینے اور آزاد مبصرین، سفارتکاروں اور غیر ملکی صحافیوں کو رسائی دینے پر بھی زور دیا۔
