پوری کوشش تھی کہ ورائٹی کے ساتھ بالنگ کروں،عثمان قادر

لاہور(یواین پی)قومی لیگ اسپنر عثمان قادر کا کہنا ہے کہ ان کی پوری کوشش تھی کہ ورائٹی کے ساتھ بالنگ کریں جبکہ وہ دباؤ بڑھانے کی خاطر زیادہ سے زیادہ ڈاٹ بالز کرانا چاہتے تھے۔پروٹیز کیخلاف دو وکٹیں لینے والے اسپنر کا کہنا تھا کہ وکٹ پر اوس کے باوجود ان کی گیندیں اسپن ہوئیں جس کی انہوں نے پریکٹس کی تھی جبکہ ٹریننگ سیشنز کے دوران ہیڈ کوچ مصباح الحق اور اسپن بالنگ کنسلٹنٹ ثقلین مشتاق نے بھی مفید مشوروں سے نوازا جس کے سبب عمدہ بالنگ ممکن ہوئی۔عثمان قادر کے مطابق وکٹوں کے عقب سے محمد رضوان مسلسل ہدایت دے رہے تھے کہ زور نہیں لگانا ہے لہٰذا ان کی باتوں پر بھی غور کرتے ہوئے لائن اور لینتھ پر بالنگ کی تو وکٹوں کے حصول میں کامیابی ہوئی کیونکہ زور لگانے پر بال پیچھے گررہی تھی۔