بہاولپور(خبرنگار)سپورٹس بورڈ پنجاب کے زیر اہتمام پہلی قائداعظم انڈر23 انٹر ڈویژن ہاکی چپمپئن شپ 24 جنوری تا 9 فروری نیشنل اسٹیڈیم لاہور میں منعقد ہوئی جس میں پورے پنجاب کے ڈویژنز سے 9 ٹیموں نے شرکت کی۔ ٹیم بہاول پور نے شاندار کارکردگی کا مظاہرہ کرتے ہوئے ٹورنامنٹ میں تیسری پوزیشن حاصل کی۔ وزیر کھیل و امورِ نوجوان رائے تیمور خان بھٹی سے ڈویژنل سپورٹس آفیسر بہاول پور مقصود الحسن جاوید نے ایک لاکھ روپے کا کیش پرائز وصول کیا۔ڈویژنل ہاکی کوچ آصف نزیر سدھو اور کپتان ابصرین روف بھی ہمراہ تھے۔