لاہور (نمائندہ سپورٹس )پاکستان سپر لیگ کیلئے غیر ملکی کھلاڑیوں کی آمد کا سلسلہ جاری ہے۔ کراچی کنگز کے کولن انگرام، ہیڈ کوچ ہرشل گبز، چیڈویک والٹن اور نور احمد کراچی پہنچ گئے جبکہ اسلام آباد یونائٹیڈ،کوئٹہ گلیڈایٹرز اورلاہور قلندر کے کھلاڑی بھی کراچی آئیں گے۔ پشاور زلمی کے ہیڈکوچ ڈیرن سیمی آج صبح پہنچیں گے جبکہ کپتان وہاب ریاض، شعیب ملک،امام الحق اور کامران اکمل نے ٹیم کو جوائن کرلیا ہے۔روی بوپارہ آج جبکہ ردرفورڈ اور مجیب الرحمان کل پہنچیں گے۔فرنچائز کے سکواڈ مکمل ہونے پر کرونا ٹیسٹ ہونگے۔ اور رپورٹ کلیئر آنے پر کھلاڑی اور آفیشلز بائیو سیکیور ببل میں جائیں گے۔فرنچائز ٹیموں کے ٹریننگ سیشنز 15 فروری سے شیڈول ہیں اور کراچی کنگز اور کوئٹہ گلیڈی ایٹرز کا افتتاحی میچ  20 فروری کو ہوگا۔پشاور زلمی کے کپتان وہاب ریاض، شعیب ملک، امام الحق، کامران اکمل، محمد عرفان اوردیگرنے بھی سکواڈ کا حصہ بن کر سیلف آئسو لیشن اختیار کر لی۔