لاہور( لیڈی رپورٹر)ق لیگ شعبہ خواتین کی مرکزی صدر وممبر قومی اسمبلی فر خ خان نے کہا ہے کہ مسلم لیگ بلدیاتی انتخابات میں بھرپور حصہ لے گی ، بہت جلد پارٹی کی تنظیم سازی کا عمل شروع ہو گا،تنظیم سازی سے پارٹی گراس روٹ سطح پر مضبوط اور فعال ہو گی، مضبوط تنظیم ہی پارٹی کی کامیابی کی ضمانت ہوتی ہے۔انہوں نے کہا کہ مخلص اور محنتی کارکنوں کو موقع فراہم کیا جائے کہ وہ اپنی صلاحیتوں کا بھرپور مظاہرہ کرسکیں۔