راولپنڈی(اپنے سٹاف رپورٹر سے)راولپنڈی پولیس نے شہربھر خصوصاًکینٹ کے علاقوں میں پتنگ بازوں اورپتنگ فروشوں کے خلاف دو روزہ خصوصی کریک ڈائون کے دوران 222 ملزمان کوگرفتارکیا، ملزمان سے ہزاروں پتنگیں ،سینکڑوں ڈوریں اور سائونڈ سسٹم برآمد ہوئے ،سی پی اوراولپنڈی عمر سعید ملک ،ایس ایس پی آپریشنز وسیم ریاض ،ڈویژنل ایس پیز اوردیگر سینئر پولیس افسران کریک ڈائون کی خود نگرانی کرتے رہے ، کریک ڈائون کے لیے 1400سے زائد پولیس افسران واہلکاروں پر مشتمل خصوصی ٹیمیں تشکیل دی گئی تھیں،گرفتار ملزمان کے خلاف 183مقدمات درج کیے گئے ،رواں سال کے دوران 620ملزمان کو گرفتارکرکے ہزاروں پتنگیں اورسینکڑوں ڈوریں برآمد کیں،سی پی اوعمر سعید ملک کی پتنگ بازی اورہوائی فائرنگ کے خلاف کریک ڈائون جاری رکھنے کی ہدایت کی۔