آرمی پبلک سکول والٹن کینٹ کے  احمد موسیٰ نے تقریری مقابلہ جیت لیا

لاہور (لیڈی رپورٹر) آرمی پبلک سکول والٹن کینٹ کے زیر اہتمام تقریری مقابلہ جات منعقد ہوئے۔ تقریب کی صدارت پرنسپل خالد محمود ملہی نے کی ’’کبھی اے نوجواں مسلم، تدبر بھی کیا تو نے‘‘ کے عنوان سے منعقدہ تقریری مقابلوں کے مختلف راؤنڈز کے بعد منتخب ہونے والے 5 طلبہ نے آخری مرحلے کے مقابلہ جات میں شرکت کی تاہم چوتھی جماعت کے ہونہار طالب علم احمد موسیٰ نے شاندار تقریر کر کے آخری معرکہ سر کر لیا اور پہلی پوزیشن کے حقدار قرار پائے۔اس موقع پر مس ثوبیہ عرفان اور سیکشن ہیڈ مس اسما رانا نے طلباء کی کوششوں کو سراہا جبکہ بہترین کارکردگی دکھانے والے طلباء میں اسناد اور انعامات پرنسپل خالد محمود ملہی نے تقسیم کئے۔