اسلام آباد (نوائے وقت رپورٹ) انٹرنیشنل میڈیا بھی ترکیہ میں پاکستان آرمی کی سرچ اینڈ ریسیکو ٹیم کا معترف ہو گیا۔ پاکستان آرمی کی سرچ اور ریسیکو ٹیموں نے ترک عوام کے دل جیت لیے۔ ذرائع کے مطابق پاکستان آرمی 120 گھنٹوں سے ترکیہ میں ریسکیو آپریشن میں مسلسل مصروف عمل ہے۔ پاکستان آرمی کی ریسکیو ٹیموں نے 10 مقامات پر سرچ اور ریسکیو آپریشن کیا۔ پاکستان آرمی کی ریسکیو ٹیم نے ملبے میں سرچ آپریشن کے دوران زلزلے کے 138 گھنٹے گزرنے کے بعد 14 سالہ لڑکے کو زندہ بچالیا جو پاکستان آرمی ریسکیو ٹیم کی بہت بڑی کامیابی ہے۔ پاکستان آرمی سرچ اور ریسکیو ٹیم کی پیشہ ورانہ خدمات اور سرچ آپریشن میں کامیابیوں کے ضمن میں ٹی آر ٹی ورلڈ نے پاکستان آرمی کے آفیسر سے خصوصی بات چیت بھی کی۔ پاک آرمی کے آفیسر نے ٹی آر ٹی کو مزید بتایا کہ علاوہ ازیں ملبے تلے دبے 5 زندہ افراد کی بھی نشاندہی کی گئی جنہیں لوکل ریسکیو ٹیموں نے بچا لی۔ ملبے تلے دبے افراد کے ریسکیو کے لیے ملبہ ہٹانے کا کام جاری ہے۔