شیخوپورہ(نمائندہ نوائے وقت)ممتاز مذہبی سکالر مولانا صاحبزادہ غلام مرتضیٰ شازی نے کہا ہے کہ سیدنا ابوبکر صدیقؓ وہ عظیم ہستی ہیں جنہوں نے ہر سطح پر رفاقت نبوی کا حق اداکیا، سفر ہجرت کی رفاقت کا واقعہ، معراج کی تصدیق،جھوٹی نبوت کے دعویداروں کا خاتمہ، نمازوں میں کمی، منکرین زکوٰ ۃ کی سرکوبی کیلئے جہاد، مسئلہ خلافت کو صحابہ کی امنگوں کے مطابق حل کرنے،غزوہ تبوک کے موقع پر مثالی مالی قربانی اور اپنے بعد عمر بن خطاب کو مسلمانوں کیلئے خلیفہ نامزد کرنا، بلاشبہ ایسے عظیم کارنامے ہیں جو صبح قیامت تک یاد رکھے جائیں گے، ان خیالات کا اظہار انہوں نے یہاں منعقدہ دینی اجتماع سے خطاب کرتے ہوئے کیا۔