شیخوپورہ(نمائندہ نوائے وقت)معروف روحانی پیشوا و علمی فکری شخصیت مخدوم سردار حسین صابری نے کہا ہے کہ روحانی مراکز بھٹکی ہوئی انسانیت کیلئے مشعل راہ ہیں جو انسانیت اور امت مسلمہ کیلئے نشاط اور روحانی وفکری رہنمائی کا ذریعہ بنتے ہیں، ان خیالات کا اظہار انہوں نے معروف صوفی سنگر بلال بوبی کے تایا جان کے انتقال پر اظہار تعزیت کے بعد میڈیا سے گفتگو کرتے ہوئے کیا، مخدوم سردار حسین صابری نے کہا کہ آج پوری امت مسلمہ تنزلی کا شکار ہے ۔ تمام مسائل سے چھٹکارہ حاصل کرنے کیلئے اولیاء کرام کی تعلیمات پر عمل پیرا ہونا ہوگا۔