ماریہ میر نے آڈیو البم کے 12گانوں کی ریکارڈنگ مکمل کرلی 

لاہور( کلچرل رپورٹر) گلوکارہ ماریہ میر نے آڈیو البم کے 12گانوں کی ریکارڈنگ مکمل کرلی جس کے پہلے گانے ’’چہرہ‘‘ کا ویڈیو کل 14فروری بروزمنگل کو یوکے کی کمپنی 49ریکارڈ پاکستان، بھارت اور یورپ سمیت پوری دنیا میں بیک وقت ریلیز کر رہی ہے۔ رواج خاص اور شہباز خان نے ماڈلنگ اور ڈائریکشن شیبی نے دی۔ ماریہ میر نے بتایا کہ ’’چہرہ‘‘ کے علاوہ دیگر گانوں کے ویڈیو بھی مرحلہ وار ریلیز کئے جائینگے۔ ان تمام گانوں کی شاعری ، کمپوزیشن اور میوزک اے ایم فنکار نے دی ہے۔ مذکورہ آڈیو ویڈیو البم سال رواں کا میوزک لورز کیلئے خوبصورت تحفہ ثابت ہو گا، جس کا ہر گیت اپنی شاعری،کمپوزیشن اور گائیکی کے حوالے سے منفرد ہوگا۔ سال رواں میرے لئے اس لئے بھی خوش قسمت ثابت ہورہا ہے جس میں میری بطور پلے بیک سنگر ’’ ہوئے تم اجنبی‘‘ ، ’’دیوانگی‘‘،’’ٹک ٹاکر‘‘ سمیت دیگر فلمیں بھی سینمائوں کی زینت بنیں گئیں۔