بہاولپور (سپیشل رپورٹر) جولستان انٹرنیشنل جیپ ریلی کانٹے دار مقابلے کے بعد اپنے اختتام کو پہنچ گئی ۔ نتائج کے مطابق فیصل شادی خیل نے مقرہ فاصلہ تین گھنٹے انسٹھ منٹ اور تین سیکنڈ میں طے کر کے پہلی پوزیشن حاصل کی جبکہ بہاولپور کے جوہدری زین محمود نے مقررہ فاصلہ تین گھنٹے انسٹھ منٹ اورنو سیکنڈمیں طے کر کے محض چھ سیکنڈ کے فرق سے دووسری پوزیشن حاصل کی جبکہ آصف فضل چار گھنٹے اور چار منٹ سے تیسری پوزیشن کے حقدار ٹھرے ۔ جیپ ریلی میں دوسری پوزیشن حاصل کرنے والے چوہدری زین محمود اور ان کے ساتھ معاون نیوی گیٹر زین عبداللہ دونوں کا تعلق بہاولپور سے ہے ۔ چوہدری زین محمود معروف صنعت کارچوہدری محمود مجید کے فرزند ہیں جبکہ زین عبداللہ سابق صدر و جنرل سیکرٹری بہاولپور پریس کلب جلال الدین کے فرزند ہیں عوامی و سماجی اور سپورٹس کے حلقوں کے علاوہ صحافی برادری نے بہاولپور کے ہونہا ر فرزندوں کو جیپ ریلی میں دوسری پوزیشن حاصل کرنے پر مبارکباد دیتے ہوئے اس اُمید کا اظہار کیا کہ فرزندان بہاولپور آئندہ بھی اپنی بہترین کارکردگی سے بہاولپور کا نام روشن کریں گے ۔
جیپ ریلی