جلات خان کی جانب سے قلندرز کو ملتان  کا سوہن حلوہ کھلانے کی ویڈیو وائرل 

لاہور(سپورٹس رپورٹر)لاہور قلندرز کے فاسٹ بائولر جلات خان کی جانب سے لاہور قلندرز کے کھلاڑیو ں کو ملتان کا سوہن حلوہ کھلانے کی ویڈیو وائرل ہوگئی ۔جلات خان ملتان کی سوغات لے کر کھلاڑیوں کے پاس پہنچے اور کپتان شاہین آفریدی سمیت دیگر کھلاڑیوں کو سوہن حلوہ کھلایا۔اس حوالے سے جلات خان نے کہا کہ میرے ساتھی کھلاڑی میرے شہر میں آئے ہیں، میں نے سوچا کھلاڑیوں کو اپنے علاقے کی سوغات کھلانی چاہیے، مجھے امید ہے کہ کھلاڑیوں کو ملتان کی سوغات پسند آئی ہو گی۔