چیف آف دی نیول اسٹاف ایڈمرل محمد امجد خان نیازی سے امریکی سفیر ڈونلڈ بلوم نے کراچی میں ملاقات کی ہے۔ترجمان پاک بحریہ کے مطابق چیف آف دی نیول سٹاف ایڈمرل محمد امجد خان نیازی کی امیرکی سفیر ڈونلڈ بلوم سے کراچی میں ہونے والی ملاقات میں  باہمی دلچسپی کے امور پر بات چیت کی گئی۔ملاقات کے دوران علاقائی میری ٹائم سیکیورٹی صورتحال اور دو طرفہ بحری تعاون پر تبادلہ خیال کیا گیا۔ترجمان پاک بحریہ کے مطابق ملاقات میں دونوں ممالک کے مابین باہمی بحری اور دفاعی تعلقات کو مزید فروغ دینے کے عزم کا اعادہ کیا گیا۔