معمولی جھگڑے :نوجوانوں کی فائرنگ باپ بیٹے سمیت 3 افراد زخمی

لاہور(نامہ نگار)فیکٹری ایریا کے علاقے گلستان کالونی غازی روڈ پر معمولی جھگڑے کے بعد ایک نوجوان نے اپنے دوستوں کو بلوا کر باپ بیٹے پر گولیاں چلا دیں۔جس کی زد میں آ کر باپ بیٹے سمیت 3 افراد زخمی ہو گئے۔تینوں زخمیوں کو طبی امداد کیلئے جنرل ہسپتال منتقل کر دیا گیا ہے۔ زخمیوں میں 57 سالہ صدیق، اس کا بیٹا 34 سالہ محمد اکرم اور ندیم شامل ہیں۔ پولیس کا کہنا ہے کہ زخمی ندیم کا نامعلوم موٹر سائیکل سوار نوجوان سے ٹکرانے کے باعث جھگڑا ہوا۔جس کے بعد نامعلوم ملزم نے دوستوں کو بلا کر فائرنگ کر کے موقع سے فرار ہو گئے۔