لاہور(سپورٹس رپورٹر)کراچی کنگز کے نئے کپتان شان مسعود نے پاکستان سپر لیگ سیزن 9 میں اپنی فرنچائز کو نئی بلندیوں پر لے جانے کا عزم ظاہر کردیا۔ کراچی کنگز کے پہلے ٹریننگ سیشن میں شان مسعود نے پی ایس ایل میں پہلی بار اپنے آبائی شہر کی قیادت کرنے پر خوشی کا اظہار کیا۔ ان کا کہنا تھا کہ پی ایس ایل کیلئے بہت پرجوش ہوں۔ ہم نے متوازن ٹیم بنائی ہے جو کراچی کنگز کو ایک نئی سمت میں لے جائے گی۔ ہم نے ٹیم کو دوبارہ سے تشکیل دیا ہے سکواڈ اور انتظامیہ میں بڑی تبدیلیاں کی گئی ہیں جس کا مقصد ٹیم کو نئی بلندیوں تک لے کر جانا ہے۔