لاہور(سپورٹس رپورٹر) انگلش پریمیئر لیگ کے 32 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔ ای پی ایل میں کل مزید ایک میچ کھیلا جائے گا جس میں کرسٹل پیلس اور چیلسی کی ٹیمیں سیلہرسٹ پارک، لندن کے مقام پر نبرد آزما ہوں گی۔ دونوں ٹیمیں 23،23 میچز کھیل چکی ہیں۔ چیلسی کی ٹیم 9 میچز میں فتح کے بعد 31 پوائنٹس کے ساتھ ای پی ایل ٹیبل پر 11ویں نمبر پر ہے جبکہ کرسٹل پیلس کی ٹیم بھی 23 میچز کھیل چکی ہے اور وہ 6 میچز جیت کر 24 پوائنٹس کے ساتھ ٹیبل پر 15 ویں نمبر پر ہے۔مانچسٹر سٹی کی ٹیم ای پی ایل میں اپنے اعزاز کا دفاع کرنے کیلئے کوشاں ہے جبکہ لیور پول کی ٹیم پوائنٹس ٹیبل پر سب سے زیادہ 54 پوائنٹس کے ساتھ ٹیبل پر ٹاپ پوزیشن پر موجود ہے۔