لاہور(سپورٹس رپورٹر)آسٹریلیا اور ویسٹ انڈیز کی کرکٹ ٹیموں کے درمیان 3 ٹی20 انٹرنیشنل میچوں پر مشتمل سیریز کا تیسرا اور آخری میچ آج پرتھ سٹیڈیم پرتھ میں کھیلا جائے گا۔ میزبان ٹیم کو مہمان ویسٹ انڈیز ٹیم کیخلاف 3 میچوں کی سیریز میں 0-2کی فیصلہ کن برتری حاصل ہے۔ کینگروز نے پہلے ٹی 20 میچ میں ویسٹ انڈیز ٹیم کو 11 رنز جبکہ دوسرے میچ میں 34 رنز سے شکست دی تھی۔ اس سے قبل دونوں ٹیموں کے درمیان کھیلی گئی 2 ٹیسٹ میچوں کی سیریز 1-1 سے برابری پر ختم ہوگئی تھی۔ میزبان آسٹریلوی ٹیم نے مہمان ویسٹ انڈیز ٹیم کو ایڈیلیڈ میں کھیلے گئے پہلے ٹیسٹ میچ میں 10 وکٹوں سے شکست دی تھی جبکہ ویسٹ انڈیز ٹیم نے دوسرے اور آخری ٹیسٹ میچ میں آسٹریلین ٹیم کو سخت مقابلے کے بعد 8 رنز سے شکست دے کر 2 میچوں کی سیریز 1-1 سے برابر کر دی تھی، جس کے بعد دونوں ٹیموں کے درمیان کھیلی گئی 3 ایک روزہ بین الاقوامی میچوں پر مشتمل سیریز میں میزبان کینگروز نے ویسٹ انڈیز کو 0-3سے وائٹ واش کر دیا تھا۔ ویسٹ انڈیز کرکٹ ٹیم ان دنوں آسٹریلیا کے دورے پر ہے جہاں وہ میزبان آسٹریلوی ٹیم کیخلاف 2 ٹیسٹ اور 3 ون دے میچوں کی سیریز کھیل چکی ہے۔2 ٹیسٹ اور تین ایک روزہ میچوں کی سیریز کے علاوہ مہمان ویسٹ انڈین ٹیم نے آسٹریلیا کے خلاف تین ٹی ٹونٹی میچوں کی سیریز کا ایک میچ ابھی کھیلنا باقی ہے۔ٹی 20 سیریز میں آسٹریلوی ٹیم کو مچل مارش لیڈ کر رہے ہیں جبکہ ویسٹ انڈیز ٹیم کو رومین پائول لیڈ کر رہے ہیں۔