لاہور( کلچرل رپورٹر)ٹی وی کے سینئر اداکار شبیر جان نے کہا ہے کہ اپنے کردار کو ایکٹنگ سمجھ کر نہیں بلکہ حقیقت سمجھ کر کیا ہے اسی لئے میر ے کیرئیر میں کامیابیوں کا پلڑا بھاری ہے‘ میں نے جو مقام حاصل کیا ہے اس میں اوپر والے کا خاص کرم ہے جسکے بغیر انسان کچھ بھی نہیں۔ اداکاری میری زندگی میں اس طرح رچ بس چکی ہے کہ واپسی کا خواب میں بھی نہیں سوچ سکتا اور جب تک اللہ تعالیٰ نے ہمت دی اس سے وابستہ رہوں گا۔ انہوں نے کہا کہ ڈرامہ تفریح کیساتھ ساتھ دیکھنے والوں کے لئے سبق بھی ہوتا ہے اور لوگ ڈراموں سے سیکھتے ہیں۔انہوں نے کہا کہ میں اپنے سے جونیئرز چاہے وہ کسی بھی شعبے سے وابستہ ہوں انہیں ایک سبق دینا چاہتا ہوں کہ آپ نیک نیتی سے محنت کریں دیکھیں اوپر والا آپ کی محنت کو کیسے پھل لگاتا ہے ۔ انہوں نے بتایا کہ آج کل کئی پراجیکٹس میں مصروف ہوں ۔