انٹرنیشنل پولوٹورنامنٹ :پاک فوج نے بھارتی آرمی کو شکست دے دی

اسلام آباد (نوائے وقت رپورٹ) آئی ایس پی آر کے مطابق نائیجیریا میں آرمڈ فورسز انٹرنیشنل پولو ٹورنامنٹ 2018ء کا انعقاد کیا گیا۔ پاک فوج کی پولو ٹیم نے بھارتی آرمی کی ٹیم کو شکست دیدی۔ پاک فوج کی پولو ٹیم نے بھارتی ٹیم کو 3.5کے مقابلے میں 15 گول سے شکست دی۔ پاکستان، بھارت، مصر، مراکش، نائیجیریا اور امریکہ کی ٹیمیں ٹورنامنٹ میں شریک ہیں۔