کراچی ،کوسٹ گارڈز کی کارروائی ، لانچ سے 400 کلو گرام منشیات برآمد‘5اسمگلرز گرفتار

کراچی (آئی این پی) کوسٹ گارڈز نے گہرے سمندر میں کارروائی کرتے ہوئے لانچ سے 400 کلو گرام منشیات برآمد اور پانچ اسمگلرز کو گرفتار کرلیا ایک اور کارروائی میں کار سے منشیات کے پانچ بیگ برآمد اور چار ملزمان کو حراست میں لے لیا گیا‘ عالمی مارکیٹ میں منشیات کی قیمت ساڑھے تین ارب روپے ہے۔ جمعہ کو ترجمان کوسٹ گارڈ کے مطابق پسنی کے قریب گہرے سمندر میں کوسٹ گارڈ نے کارروائی کرتے ہوئے لانچ سے چار سو کلو گرام منشیا ت برآمد کرکے پانچ اسمگلرز کو گرفتار کرلیا۔ عالمی مارکیٹ میں منشیات کی ق یمت ساڑھے تین ارب روپے ہے گوادر میں ایک اور کارروائی کرتے ہوئے کار سے منشیات کے پانچ بیگ برآمد اور چار ملزمان کو حراست میں لے لیا گیا لانچ اور کار تحویل میں لے کر تفتیش شروع کردی گئی۔