آسٹریلوی فاسٹ بائولر جیمز پیٹنسن ان فٹ‘ بگ بیش لیگ سے باہر

لاہور(سپورٹس ڈیسک) آسٹریلیا اور برسبین ہیٹ کے فاسٹ بائولر جیمز پیٹنسن فٹنس مسائل کے باعث رواں بگ بیش لیگ کے بقیہ ایڈیشن سے باہر ہو گئے۔28 سالہ فاسٹ بائولر میلبورن رینی گیڈز کے خلاف میچ کے دوران سائیڈ سٹرین انجری کا شکار ہوئے تھے۔ برسبین ہیٹ فرنچائز کی طرف سے جاری کردہ بیان کے مطابق ڈاکٹرز نے طبی معائنے کے بعد پیٹنسن کو مکمل آرام کا مشورہ دیا ہے۔