پاکستان انٹر بورڈ بوائز گالا ہاکی :پشاور ،مالاکنڈ ،فیصل آباد ‘بہاولپور بورڈ کی کامیابی

لاہور(سپورٹس رپورٹر)پاکستان انٹر بورڈ بوائز گالا میں ہاکی کے مقابلوں میں پشاور بورڈ ،مالاکنڈ بورڈ ،فیصل آباد بورڈ اور بہاولپور بورڈ نے اپنے اپنے میچ جیت لئے ۔اتوار کو پاکستان اسپورٹس کمپلیکس اسلام آباد میں جاری ایونٹ کے دوسرے دن ہاکی کے مقابلوں میںپہلے میچ میں پشاور نے ایبٹ آباد کو 1۔7 سے شکست دے دی۔ پشاور کی طرف سے یاسر نے دو گول جب کے توحید ،سلیم ،اسماعیل اور اطہر نے ایک ایک گول کیا، ایبٹ آباد کی طرف سے واحد گول زبیر نے کیا ۔دوسرے میچ میں مالاکنڈ نے ساہیوال کو 0۔ 3 سے شکست دے دی مالاکنڈ کی طرف سے عریاں ،علیان اور یاسر نے ایک ایک گول کیا۔ تیسرے میچ میں فیصل آباد کو 0۔ 4 سے شکست دے دی فیصل آباد کی طرف سے شاہ زیب نے دو گول جبکہ باقر اور محمد علی نے ایک ایک گول کیا۔ پہلے میچ میں فیصل آباد نے ٹیکنیکل ایجوکیشن بورڈ پشاور کو 1۔ 2 سے شکست دے دی دوسرے میچ میں ملتان بورڈ نے لاہور کو پینلٹی کک سے 2۔ 3 سے شکست دے دی۔اتھلیٹکس کے ہائی جمپ کے فائنل میں لاہور کے اویس نے پہلی پوزیشن فیصل آباد کے شازل نے دوسری پوزیشن اور اسلام آباد کے دیان شاہد نے تیسری پوزیشن لی۔ جیولین تھرو میں لاہور کے ابصار نے پہلی پوزیشن اور لاہور کے ساگر نے دوسری پوزیشن جب کے سرگودھا کے عثمان نے تیسری پوزیشن لی۔ٹیبل ٹینس کیکواٹر فائنل کے پہلے میچ میں سوات نے فیصل آباد کو 0۔ 2 سے شکست دے دی دوسرے میچ مین ٹیکنیکل بورڈ پشاور نے سیکنڈری ایجوکیشن بورڈ کراچی کو 0۔ 2 سے شکست دیدی تیسرے میچ میں پشاور بورڈ نے لاہور بورڈ کو 0۔ 2 سے شکست دے دی چوتھے میچ میں انٹرمیڈیٹ بورڈ کراچی نے راولپنڈی کو 0۔ 2 سے شکست دے دی۔