جنوبی افریقہ کیخلاف سیریز ‘بائیو سیکیورماحول کو حتمی شکل دیدی :ذاکر خان 

لاہور(سپورٹس رپورٹر+نمائندہ سپورٹس) ڈائریکٹر انٹرنیشنل کرکٹ پی سی بی ذاکر خان نے قومی کرکٹ ٹیم کی رواں سال کی تمام مصروفیات سے متعلق کرکٹ کمیٹی کو بریفنگ دی۔ ذاکر خان نے کرکٹ کمیٹی کو واضح کیا ہے کہ کروناکے باوجود سیریز کے کامیاب انعقاد کیلئے بائیو سیکیور ماحول کیلئے تمام اقدامات کو حتمی شکل دی جا چکی ہے۔ کمیٹی کو واضح کر دیا ہے کہ حکومتی پابندیوں کی وجہ سے فینز کو سٹیڈیم میں داخلے کی اجازت نہیں ہوگی۔ جنوبی افریقہ کیخلاف ہوم سیریز کے علاوہ سال 2021 میں پاکستان کو جنوبی افریقہ، زمبابوے، انگلینڈ، ویسٹ انڈیزاور افغانستان کیخلاف اوے سیریز کھیلنی ہے جبکہ پاکستان کو نیوزی لینڈ، انگلینڈ اور ویسٹ انڈیز کیخلاف ہوم سیریز بھی اسی سال کھیلنی ہے۔