کیلی فورنیا (نیٹ نیوز) امریکی شہر سان ڈیاگو کے چڑیا گھر کے ایک ہی پنجرے میں بند 8 گوریلاز میں کرونا کی تصدیق ہوئی ہے جب کہ دیگر میں علامتیں ظاہر ہوئی ہیں۔ چڑیا گھر میں پچھلے ہفتے دو گوریلاز کو کھانسی شروع ہوئی تھی جب کہ دیگر 6 گوریلاز کو گلے کا انفیکشن ہوا تھا۔ ان میں علامتیں ظاہر ہونے کے بعد انتظامیہ نے کرونا ٹیسٹ کرایا جس میں  8 گوریلاز میں کرونا کی تصدیق ہو گئی۔ ابتدائی طور پر کہا جا رہا ہے کہ ان جانوروں میں کرونا پارک کی وائلڈ لائف کیئر ٹیم کے ایک ممبر سے آیا ہے۔