بیول (نامہ نگار)شرقی گوجرخان کے شہر بھڈانہ حبیب چوک قاضیاں بیول چنگا بنگیال،چنگا میرا اور دیگر چھوٹے بڑے شہروں میں بجلی کی طویل ترین لوڈ شیڈنگ پورا دن اور رات بجلی بند رہی جس سے لوگوں کو شدید مشکلات کا سامنا رہا کاروباری افراد ہاتھ پر ہاتھ دھرے بیٹھے رہے جبکہ گھریلو خواتین کو بھی بجلی کی بندش سے گھریلوکام کاج میں پریشانی ،مساجد میں پانی نہ ہونیکی وجہ سے نمازی افراد پریشان رہے گذشتہ دنوں بجلی کے بلیک آئوٹ کے اثرات شرقی گوجرخان کے ہر علاقہ اور دیہات میں دیکھنے کو آرہے ہیں کئی کئی گھنٹے بجلی بند رکھ کر اہل علاقہ کو مصیبت میں ڈال دیا جاتا ہے مزدور الیکٹریشن ٹیلر ماسٹر موٹرز مکینک سارا سارا دن ہاتھ پہ ہاتھ دھرے بجلی کا انتظار کرتے رہتے ہیں لیکن بجلی ہے کہ آنے کا نام نہیں لیتی اسی طرح دیگر پانی کے استعمال کے لیے بھی بجلی نہ ہونے سے گھروں میں مساجد میں بھی پریشانی کا سامنا کرنا پڑتا ہے ۔