لاہور(نمائندہ سپورٹس +سپورٹس رپورٹر)کراچی میں ہاکی کے سابق عالمی پلیئر اولمپیئن اصلاح الدین کو مبینہ طور پر اغوا‘ بعدازاں  چھوڑ دیا گیا۔ اصلاح الدین نے بتایا کہ دوپہر کو گلستان جوہر میں دوست کی والدہ کے نمازجنازہ میں شرکت کیلئے مسجد گیا تھا گاڑی سے اترا تو 3ملزموں نے پکڑا اور دھکے دیکر گاڑی کی پچھلی سیٹ پرلیٹادیا، دو ملزمان   کے پاس اسلحہ موجود تھا۔اصلاح الدین کے مطابق  ملزموں سے میں نے کہا تم کیا چاہتے ہو، گاڑی چاہیے تو لیجاؤ، تاہم ملزم  ایک سے سوا گھنٹے تک کراچی کے مختلف علاقوں میں گھماتے رہے  جیب سے موبائل، پرس 15ہزار روپے بھی نکال  اور  صفورہ چورنگی کے قریب خالی جگہ پرگاڑی سے دھکا دے کر گاڑی لے کر فراہوگئے، گلستان جوہر تھانے اور15 کو فون کیا ہے، پولیس کی ٹیمیں میرے ساتھ جائے وقوع کا بھی معائنہ کررہی ہیں۔واقعے سے متعلق پولیس کا فوری طور پر کوئی بیان یا ردعمل سامنے نہیں آیا۔