شاہد آفریدی ہائی پرفارمنس سینٹر آکر ماضی  میں کھوگئے

کراچی (اسپورٹس ڈیسک)  قومی کرکٹ ٹیم کے سابق کپتان شاہد آفریدی طویل عرصے بعد نیشنل ہائی  پرفارمنس سینٹر آکر ماضی کی یادوں میں کھوگئے۔ ٹوئٹر پر نیشنل ہائی پرفارمنس سینٹر آکر اپنی تصاویر شیئرکرتے ہوئے سابق کپتان شاہد آفریدی نے لکھا کہ 'این سی اے' کا دورہ کر کے پرانی یادیں تازہ ہوگئی ہیں، یہاں طویل عرصے بعد آیا ہوں، یہاں آکر  پرانی یادیں تازہ ہو گئی ہیں۔ شاہد آفریدی نے نیشنل ہائی پرفارمنس سینٹرمیں موجود سہولیات کو سراہتے ہوئے کہا کہ ایسی سہولیات پورے پاکستان میں ہونی چاہئیں۔ سابق کپتان نے مزیدکہا کہ میں نے یہاں اجازت کے بغیر ٹریننگ سیشن کیا ہے، امید ہے کہ سب  ٹھیک رہیگا۔ خیال رہے کہ نیشنل کرکٹ اکیڈمی (این سی اے)کو اب نیشنل ہائی پرفارمنس سینٹر کا نام دیاجا چکا ہے۔