عابد  کے چہرے پر مسکراہٹ دیکھ کر خوش ہوں‘ رمیز راجہ

کراچی (اسپورٹس ڈیسک)  چیئرمین پی سی بی نے صحت یابی اور ری ہیب شروع کرنے پر عابد علی کو مبارکباد پیش کی اور انہیں دوبارہ خوش آمدید بھی کہا۔ رمیز راجہ کا کہنا تھا کہ وہ عابد علی کے چہرے پر مسکراہٹ دیکھ کربہت خوش ہیں۔رمیز راجہ نے عابد علی کو ری ہیب مکمل کرنے کا مشورہ دیتے ہوئے کہا کہ اس واقعہ سے ہم سب کو یہ سبق ملتا ہے کہ ایتھلیٹ ہوں یا کوئی عام فرد، انسان کو بعض اوقات احساس نہیں ہوتا کہ اس کے جسم میں کیا چل رہا ہے۔چیئرمین پی سی بی نے کہا کہ انہوں نے آئندہ ایسی کسی بھی ہنگامی صورتحال سے نمٹنے کے لیے کراچی اور لاہور میں ڈی فریبلیٹرز انسٹال کرنے کا حکم دے دیا ہے۔