فن لینڈ کے سائنسدانوں نے ایک ایسا نوزل اسپرے ایجاد کیا ہے جو 8 گھنٹے تک کورونا وائرس سے تحفظ فراہم کرسکتا ہے۔عالمی وبا کورونا دو سال سے زائد عرصے سے دنیا کو پریشان کررہی ہے اس کے خلاف کئی ویکسین بھی ایجاد ہوچکی ہیں لیکن فلپائن سے آئی ہے یہ خوشخبری کہ سائنسدانوں نے ایسا اسپرے تیار کیا ہے جس کا استعمال 8 گھنٹوں تک کورونا وائرس سے تحفظ فراہم کرسکتا ہے۔برطانوی میڈیا کے مطابق ناک کے ذریعے استعمال ہونے والے اسپرے کو فن لینڈ کی ہیلسنکی یونیورسٹی کے سائنسدانوں نے ایجاد کیا ہے۔اسپرے کے خالق سائنسدانوں کا کہنا ہے کہ لیبارٹری میں ہونے والی تحقیق میں ناک کا یہ اسپرے آٹھ گھنٹے تک کورونا وائرس کو روکنے میں کامیاب رہا ہے، خاص بات یہ ہے کہ یہ اسپرے تمام اقسام کے کورونا وائرس کے خلاف استعمال کیا جاسکتا ہے۔لیبارٹری میں جانوروں پر ہونے والی تحقیق میں اس اسپرے نے کورونا کی تمام اقسام کے خلاف مثبت کارکردگی دکھائی ہے تاہم یہ طریقہ علاج ویکسین کا نعم البدل نہیں ہوسکتا اسے صرف ایسے افراد پر استعمال کیا جاسکتا ہے جن کے مدافعتی نظام کو اضافی تحفظ کی ضرورت ہے۔یہ نیزل اپسرے مختلف موذی امراض میں مبتلا کمزور قوت مدافعت والے افراد یا جن کے کورونا میں مبتلا ہونے کے امکانات زیادہ ہوں کے لیے بنایا گیا ہے۔لسائنسدانوں کے مطابق یہ اسپرے ناک میں داخل ہونے کے بعد وائرس کو اپنی نقلیں تیار کرنے سے روکتا ہے جس کی وجہ سے اس کے پھیلنے کی صلاحیت ختم ہوجاتی ہے۔