ہالی ووڈ کی ڈان آف جسٹس، جسٹس لیگ اور ایکوامین جیسی سائنس فکشن اور فنٹیسی فلموں کے اداکار 42 سالہ جیسن ممووا اور ان کی 54 سالہ اہلیہ اداکارہ لیزا بونت کے درمیان 17 سال بعد علیحدگی ہوگئی۔ امریکی میڈیا کے مطابق دونوں اداکاروں نے گزشتہ روز مشترکہ بیان میں علیحدگی کی تصدیق کی اور بتایا کہ دونوں ایک دوسرے سے آزاد ہوگئے۔دونوں اداکاروں نے علیحدگی سے متعلق انسٹاگرام پر پوسٹ بھی کی اور لکھا کہ دونوں احترام اور عزت کے ساتھ تعلق کو ختم کر رہے ہیں اور وہ مشترکہ طور پر بچوں کی دیکھ بھال کریں گے۔دونوں نے اگرچہ علیحدگی کی تصدیق کردی، تاہم واضح طور پر نہیں بتایا کہ دونوں کے درمیان کیا اختلافات تھے ۔