لاہور(سپورٹس رپورٹر)پاکستان ویمن کرکٹ ٹیم نے ایک روز آرام کے بعد آج برسبین کے ایلن بارڈر فلیڈ میں ٹریننگ سیشن میں حصہ لیا۔قومی ویمن ٹیم آج گورنر جنرل الیون کیخلاف پچاس اوورز کا پریکٹس میچ ایلن بارڈر فلیڈ میں کھیلے گی۔آل رائونڈر عالیہ ریاض نے کہا کہ آسٹریلیا کیخلاف سیریز کی تیاری بہت اچھی چل رہی ہے۔ کوچز کھلاڑیوں کیساتھ انفرادی سکلز پر بھی بہت کام کر رہے ہیں۔گورنر جنرل الیون کیخلاف میچ سیریز کی تیاریوںکیلئے بہت اچھا ثابت ہو گا۔ اس میچ سے گراونڈ اور پچ کا اندازہ ہو جائیگا۔کوشش ہو گی سیریز میں اچھی فائٹ کریں اور اچھے رزلٹ دیں۔