بلدیاتی انتخابات،کیپٹن (ر) فرید الدین کا کوٹری،جامشورو کے پولنگ اسٹیشنوں کا دورہ

کوٹری(نامہ نگار)ضلع بھر میں انتخابی عمل کیلئے تیاریاں مکمل کرلی ہیں عوام اپنا حق رائے دہی کا درست استعمال کرکے قومی فریضہ اداکریں۔ تفصیلات کے مطابق ڈی سی جامشوروڈی آر او جامشورو کیپٹن (ر) فریدالدین مصطفی نے بلدیاتی انتخابات کے حوالے سے کوٹری اور جامشورو کے مختلف پولنگ اسٹیشنوں کا دورہ کرتے ہوئے انتظامات کا جائزہ لیا۔ ڈی سی جامشورو کے ہمراہ اسسٹنٹ کمشنر کوٹری سمیع اللہ سنجرانی اور ڈی ایس پی کوٹری ملک ریاض ودیگر افسران بھی موجود تھے۔