پھلروان چوک(نامہ نگار)شہر اور نواحی علاقوں میں ڈاکو بے لگام،پولیس بے بس ہو گئی۔ گزشتہ رات شاہکوٹ روڈ پر نواں کوٹ (پھائیوالی) کے قریب 5 ڈاکوئوں نے بیچ سڑک درخت گرا کر ناکہ لگایا ہوا تھا شہری گلفام شہزاد ،عبدالکریم اور رافع مغل گاڑی پرفیصل آباد سے واپس صفدرآباد آرہے تھے کہ شدید دھند کے باعث متاثرین کی گاڑی سڑک کے درمیان پڑے درخت سے ٹکرائی اسی دوران ڈاکوئوں نے فائرنگ شروع کر دی اور کار سوار شہریوں گلفام شہزاد انصاری سے 15500 روپے‘ عبدالکریم سے 1لاکھ ستر ہزار روپے اور رافع مغل سے 46ہزارروپے اور اے ٹی ایم کارڈچھین لیا اور فائرنگ کرتے فرار ہوگئے۔ ڈکیتی کی بڑھتی ہوئی وارداتوں سے شہری شدید عدم تحفظ کا شکار ہیں۔ متاثرین نے وزیر اعلیٰ پنجاب آئی جی پنجاب اور ڈی پی او شیخو پورہ سے انصاف کی اپیل کی ہے اور مقدمہ کے اندراج کی استدعا کی ہے۔