امریکی سائنسدانوں نے زمین کی جسامت کے برابر سیارہ دریافت کرلیا

لاس اینجلس(شِنہوا)امریکی سائنسدانوں نے ناسا کے ٹرانزٹنگ ایکسپوپلینیٹ سروے سیٹلائٹ (ٹی ای ایس ایس)کے ڈیٹا کا استعمال کرتے ہوئے زمین کے سائز کے برابر ایک سیارے کی نشاندہی کی ہے۔ ناسا کے اعلان کے مطابق یہ سیارہ جسے ٹی اوآئی 700ای کا نام دیا گیا ہے، زمین کے سائز کے95 فیصد کے برابر اور ممکنہ طور پر پتھریلا ہے۔ ماہرین فلکیات نے پہلے اس نظام میں تین سیارے دریافت کیے تھے، جنہیں ٹی اوآئی 700 بی،سی اور ڈی کا نام دیا گیا۔سائنسدانوں کو ٹی اوآئی 700ای کی دریافت کے لیے ٹی ای ایس ایس کے مشاہدے کے لیے مزید ایک سال کا وقت لگا۔جنوبی کیلیفورنیا میں ناسا کی جیٹ پروپلشن لیبارٹری میں پوسٹ ڈاکٹریٹ فیلو، ایملی گلبرٹ نے کہا کہ سیاروں پر مشتمل یہ متعدد، چھوٹے، قابل رہائش زون والے صرف چند نظاموں میں سے ایک ہے جس کے بارے میں ہم جانتے ہیں۔