کراچی ایئرپورٹ پر کئی اندرون ملک پروازیں تاخیر کا شکار

کراچی ایئرپورٹ سے آنے والی اور ٹیک آف کرنے والی متعدد ملکی پروازوں کا شیڈول تبدیل کر دیا گیا ہے۔بہاولپور جانے والی پی آئی اے کی پرواز پی کے 588 تاخیر کا شکار ہے اور کراچی ایئرپورٹ سے صبح 8 بج کر 40 منٹ کی بجائے 10 بجے اڑان بھرے گی۔اسلام آباد جانے والی ایئرسیال کی پرواز PF123 آج دوپہر 1 بجے کی بجائے 3 بجے روانہ ہوگی۔ایئر سیال کی لاہور جانے والی پرواز نے صبح 8 بجے کی بجائے 9 بجے ٹیک آف کیا۔اسلام آباد سے آنے والی پی آئی اے کی پرواز رات 12 بجکر 25 منٹ کی بجائے 12 بجکر 55 منٹ پر کراچی ایئرپورٹ پہنچے گی۔لاہور سے آنے والی ایئرسیال کی پرواز دوپہر 12:30 کی بجائے 1:30 بجے لینڈ کرے گی۔اسلام آباد سے آنے والی پرواز شام 6 بجے کے بجائے رات 8 بجے پہنچے گی۔