آئی سی سی کی جانب سے جاری کردہ نئی ٹیسٹ رینکنگ کے مطابق سری لنکا کے کمار سنگاکارا بدستور پہلی پوزیشن پر قابض ہیں۔ ویسٹ انڈیز کے چندر پال دوسری پوزیشن جبکہ جنوبی افریقہ کے اے بی ڈیویلئیرز تیسرے نمبر پر موجود ہیں۔ پاکستان کے یونس خان دو درجے تنزلی کے بعد پانچویں سے ساتویں نمبر پر پہنچ گئے ہیں۔ جبکہ اظہر علی تین درجے ترقی پاکر پہلی مرتبہ ٹاپ ٹین لسٹ میں شامل ہوئے ہیں۔ باؤلنگ کے شعبے میں جنوبی افریقہ کے ڈیل سٹین سرفہرست ہیں۔ پاکستان کے آف سپنر سعید اجمل دوسرے اور انگلش فاسٹ باؤلر جیمز اینڈرسن تیسری پوزیشن پر موجود تھے۔ ٹیم رینکنگ میں پاکستان کی پانچویں پوزیشن پر برقرار رہے۔