حافظ آباد (نمائندہ نوا ئے وقت) قادرآباد بیراج کے قریب ویگن اور موٹر سائیکل کے تصادم کے نتیجہ میں ماں بیٹی ہلاک جبکہ باپ بیٹا شدید زخمی ہو گئے۔ بھلوال کا رہائشی شاہد اپنی اہلیہ نازیہ ، بیٹی شازیہ اور بیٹے کے ہمراہ موٹرسائیکل پر سوار ہو کر بھلوال جا رہا تھا کہ قادرآباد بیراج کے قریب ان کی موٹرسائیکل اپنے ہی رشتہ داروں کی مسافر ویگن سے ٹکرا گئی جس کے نتیجہ میں شاہد کی بیوی نازیہ اور بیٹی شازیہ زخموں کی تاب نہ لاتے ہوئے موقع پر ہی دم توڑ گئیں جبکہ شاہد اور اس کا بیٹا شدید زخمی ہو گیا جنہیں مقامی ہسپتال منتقل کر دیا گیا ہے۔