وزیراعلیٰ کا ’’اچانک‘‘ دورہ: گوجرانوالہ انتظامیہ نے دکانوں کے پھٹے اٹھوا کر شاہین آباد رمضان بازار میں عارضی سٹال قائم کردئیے

گوجرانوالہ (نمائندہ خصوصی) گوجرانوالہ کی ضلعی انتظامیہ کی حکمت عملی کام آگئی، وزیراعلی پنجاب کی رمضان بازاروں کے دورے کیلئے ’’اچانک‘‘ آمد کی اطلاعات کے پیش نظر انتظامیہ نے مختلف علاقوں سے دکانوں کے پھٹے اٹھوا کر شاہین آباد رمضان بازار سجانے کیلئے عارضی سٹال قائم کردئیے تھے۔ انتہائی باوثوق ذرائع سے معلوم ہوا ہے کہ ضلعی انتظامیہ کے افسروں کو وزیراعلیٰ پنجاب کے اچانک دورے کی اطلاعات تھیں تاہم اس حوالے سے انتظامیہ کو تاریخ کے بارے میں علم نہیں تھا۔