کراچی(آئی این پی) ایک غیر ملکی اخبار کی رپورٹ کے مطابق سابق صدر پرویز مشرف ان دنوں کراچی میں جرنیلوں کی زمزمہ سوسائٹی میں انتہائی پرآسائش گھر میں رہائش پذیر ہیں۔ رپورٹ کے مطابق سوسائٹی کی اپنی سکیورٹی ہے تاہم پرویز مشرف کے گھر کی خصوصی سکیورٹی پر رینجرز اہلکار تعینات ہیں۔ان کے گھرکے گرد اور اندر داخلے کیلئے سکیورٹی اصولوں کی مکمل پابندی یقینی بنائی جاتی ہے۔ پرویز مشرف کا موجودہ گھر اتنا بڑا نہیں تاہم تزئین و آرائش سے بھرپور ہے۔ ان کے گھر کی دیواروں پر دنیا کے عظیم اور معروف رہنمائوں کی تصاویر آویزاں ہیں۔