لاہور پریس کلب میں عید کے موقع پر ڈیزائنر فریحہ فراز کے تعاون سے کپڑوں چوڑیوں اور کھلونوں کے سٹال لگائے گئے

لاہور (پ ر) لاہور پریس کلب کی گورننگ باڈی نے معزز ممبران اور ان کے اہل خانہ کے لئے عید کے پرمسرت موقع پر معروف ڈریس ڈیزائنر فریحہ فرازکی بوتیک سٹچ اینڈ ڈیزائن بائے فریحہ فراز کے تعاون سے لاہور پریس کلب میں کپڑوں، چوڑیوں اور کھلونوں کے سٹال لگائے گئے۔ سٹالز پر سجائی گئی اشیاء مارکیٹ سے انتہائی کم اور مناسب ریٹس پر فروخت کی گئیں۔ اس موقع پر خواتین کے ہاتھوں پر مہندی کے خوبصورت ڈیزائن فری لگائے گئے۔ صدر ارشد انصاری نے شاندار سٹالز کی کامیابی پر فرزانہ چوہدری کوخراج تحسین پیش کیا ۔