منڈی بہاﺅ الدین: فیس بک پر کزن سے محبت، ساتھیوں کی مدد سے چچا زاد کو قتل کردیا

منڈی بہاﺅ الدین (نامہ نگار)کزن سے فیس بک محبت کا شاخسانہ، کراچی سے25سالہ نوجوان کو بلاکر چچا زاد بھائی نے دوساتھیوں کی مددسے قتل کر کے نعش کھوہارکے قریب نہر اپر جہلم میں بہا دی۔ پولیس تھانہ صدرنے رسول بیراج سے نعش ملنے پرمقتول کے چچازاد بھائی سمیت تین ملزمان گرفتار، قتل کااعتراف کرلیا۔ تفصیلات کے مطابق پولیس تھانہ صدرکے مطابق کراچی کے 25سالہ نوجوان کی اپنی دیالہ جالب کی کزن کے ساتھ فیس بک پرمحبت کی کہانی چل رہی تھی جس کاعلم لڑکی کے بھائی عاقب کوہوگیا، اس نے اپنے کزن اسفندیار کو روکاکہ وہ ایساکرنے سے بعض رہے لیکن اسفندیار پر اپنی کزن کے ساتھ محبت کاجنون سوار تھا جس پرعاقب نے اپنے دودوستوں کے ساتھ ملکر اسے راستہ سے ہٹانے کا منصوبہ بنایا، کراچی فون کر کے اپنے کزن کو پنجاب آنے کی دعوت دی جس پر اسفندیار فون کال سنتے ہی پنجاب دوڑا چلا آیا جہاں عاقب اسے کھوہارکے ویران علاقہ میں بنائے گئے منصوبہ کے تحت لے گیا، اسے اپنے دوستوں کی مددسے گلے میں پھندہ ڈال کرہلاک کر دیا اور نعش نہراپرجہلم میں بہا دی۔ نعش ہیڈرسول کے مقام پر پولیس تھانہ صدر کوملی اور اسکی تفیش کے بعدمعلوم ہواکہ یہ نوجوان کراچی سے تعلق رکھتاہے، مزید تفتیش کی گئی جس سے کے قتل کے محرکات سامنے آئے۔ پولیس نے مقتول کے چچازادبھائی کوحراست میں لیکر تفتیش کی تواس نے اقرار جرم کر لیا۔
بھتیجا قتل